Поранешниот фудбалер на Пари Сен Жермен, Намбател Токомон, стрелец на првиот гол во историјата на клубот во европски натпреварувања, почина на возраст од 74 години, соопшти неговиот поранешен тим.
ПСЖ во соопштението додаде дека стамениот напаѓач, познат под прекарот „Токо“, почина во понеделникот на југот на Франција, каде што живеел.
До кога ќе дишеме отровен воздух!? | Уште еден поткаст
Парискиот клуб му оддаде почит на легендата, кој е роден во Чад, а за време на неговата фудбалска кариера настапуваше за Ница, Бордо, Стразбур, Валенсиен и Расинг клуб Париз.
Со Стразбур во 1979 година стана шампион на Франција, додека со ПСЖ двапати го освои трофето во Францускиот куп, во 1982 и 1983 година.
ПСЖ, кој минатата сезона ја освои титулата во Лигата на шампионите, не го наведе причината за смртта, но француските медиуми известија дека Токомон имал сериозни здравствени проблеми.
Првиот гол за ПСЖ во европските натпреварувања Токомон го постигна во 1982 година против Локомотива од Софија, во Купот на победниците на куповите. За ПСЖ одигра 171 натпревар, постигнувајќи 43 гола.
Учество во игри на среќа е дозволено за лица со 18+ години. Играј одговорно!