Шпанскиот фудбалски клуб Атлетико Мадрид можеби ќе има нови сопственици, според наводите од шпанските медиуми. Expansion беше првиот кој објави дека сопствениците на Атлетико Мадрид се во финални преговори со американскиот инвестициски фонд Apollo Global Management, кој треба да стане новиот главен акционер во клубот. Apollo ја проценува вредноста на клубот на 2.5 милијарди евра.
Сегашниот главен акционер на клубот е Atletico Holdco, компанија која поседува повеќе од 70 проценти од акциите. Компанијата претежно ја води Мигел Анхел Гил, а другите акционери се американската приватна инвестициска компанија Ares Management и Енрике Серезо, претседателот на Атлетико. Останатите акции на клубот ги поседува Quantum Pacific, британска компанија основана од израелскиот тајкун Идан Офер.
Данска vs. Македонија: Како тие се справуваат со отпадот, додека ние се расправаме кој е крив?
Apollo, која е на листата на њујоршката берза, управува со имот вреден повеќе од 800 милијарди долари, и планира да отвори спортски инвестициски фонд од пет милијарди долари, информира Financial Times. Според информациите, Apollo не планира промени во раководството на клубот.
Шпанските гиганти Реал Мадрид и Барселона се во сопственост на навивачите без приватна сопственост, што значи дека Атлетико Мадрид би станал највредниот шпански приватен клуб.
Учество во игри на среќа е дозволено за лица со 18+ години. Играј одговорно!