Новак покажа дека е голем и во пораз: Во свој стил даде одговор за срамното однесување на публиката

НОВАК Ѓоковиќ по голема борба и срамно однесување на публиката во Торино загуби од Јаник Синер со 7:5, 6:7 (5:7), 7:6 (7:2) во второто коло на „Зелената група“ на завршниот Мастерс.

 По натпреваорт Новак рече дека е навикнат публиката да биде против него и сите противници да имаат екстра мотивација кога играат против него.

„Мора да му честитам на Јаник, одигра феноменално, тоа му го кажав и кога се поздравивме на мрежа.

Тој вечерва беше похрабар и поодлучен, ги искористи шансите кои му се укажаа, за разлика од мене.

Навикнат сум сите да сакаат да ми го земат скалпот. Јас во најголем дел од ваквите дуели во кариерата победував, мислам дека не правев многу грешки, но тоа е спортот, некогаш победуваш, некогаш губиш“, рече Ѓоковиќ.