Maкедонските фудбалери во БиХ ќе се сметаат за домашни

Фудбалерите од земјите од поранешната Југославија повеќе нема да се сметаат за странци во Босна и Херцеговина.

Оваа одлука ја донесе Извршниот комитет на федерацијата, па така македонските фудбалери кои играат во Босна и ќе играат во иднина нема да го зафаќаат местото за странци во клубот. Во овој момент поранешниот македонски репрезентативец, Даниел Аврамовски е дел од Сараево.

Во првенството на БиХ дозволено е секој клуб да има најмногу тројца странци, досега беа пет, меѓутоа во тие три сега нема да се сметаат фудбалерите од овие простори.

Исто така во босанскиот фудбал воведено е правило младинец според кое мора да стартуваат двајца фудбалери до 21 година, а едниот од нив треба да одигра 90 минути. Целта секако е да се развиваат домашните фудбалери.