Се проширува црвено-црното семејство: Вардар добива рагби клуб!

Наскоро семејството Вардар ќе биде зголемено за уште еден член и тоа за рагби клуб.

Претходно клубот објави повик за пријавување за нови членови, а сега најавува домаќинство на заеднички тренинг настан со националниот рагби тим на Србија.

На 11-ти мај во 19:00 часот на теренот на ФК Работнички ќе биде одржан заедничкиот тренинг. Тренингот е отворен карактер и сите заинтересирани можат да се пријават.

„Рагби клубот Вардар ќе биде домаќин на заеднички тренинг настан со националниот рагби тим на Србија на 11.05.2023, во 19:00 часот на теренот на ФК Работнички, веднаш до националната арена Тоше Проески. Настанот има за цел да го промовира спортот во Македонија и да изгради поблиски врски помеѓу двете земји. 🏉

Настанот е од отворен карактер, сите заинтересирани можат бесплатно да тренираат, и да одработат еден рагби тренинг!“, стои во објавата.