Братот на Наумче Мојсоски избран за селектор на репрезентацијата во ракомет на плажа

Ракометот на плажа одново е актуелна тема во македонската спортска јавност откако нашата репрезентација ја прифати поканата да биде дел од европскиот шампионат кој во мај ќе се одржи во Португалија.

ИХФ и ЕХФ најавуваа иницијативи ракометот на плажа наскоро да стане олимписки спорт. Таквата ситуација придонесе и за нов ангажман во македонската ракометна федерација. За Национален кординатор за ракомет на плажа именуван е Марјан Начевски, додека негов заменик е судијата Сашко Кркачев.

За селектор на претстојното европско првенство избран е долгогодишниот сениорски репрезентативец Златко Мојсоски, а ќе му помаѓа поранешната вардарка, Ања Алтхаус.

Фото: РК Бутел