„Тухел е тренер како Гвардиола“

Toмас Тухел изненадувачки го наследни Јулијан Нагелсман на клупата на Баерн Минхен, а поранешниот фудбалер на гигантот од Минхен, Бастијан Швајнштајгер ја коментираше тренерската смена истакнувајќи задоволство.

Швајнштајгер верува дека во Баерн направиле вистински потег со одлуката Тухел да го наследи Нагелсман.

„Навистина сум среќен поради неговото доаѓање, имам почит кон него. Сметам дека е тренер во рангот на Пеп Гвардиола, се надевам успешно ќе го води тимот“.

Тухел во минатото го одби Баерн, а Швајнштајгер смета дека и тој негов потег бил исправен.

„Кога во минатото го одби Баерн тоа се покажа како добра одлука, доби можност да работи со големи фудбалери во ПСЖ и Челзи и ја освои Лигата на шампионите“, смета Швајнштајгер.