Еден од најбараните леви бекови пристигнува во Серија А

Левиот бек на Штутгарт, Борна Соса е пред трансфер во Аталанта, пренесуваат италијанските медиуми.

Хрватскиот репрезентативец со своите одлични партии го привлече вниманието на многу европски гиганти и сака ова лето да направи трансфер.

Соса веќе постигнал договор со Аталанта, а Штутгарт за неговата слобода бара 20 милиони евра. Од друга страна пак италијанскиот клуб е спремен да понуди 15 милиони евра.

Самиот фудбалер притиска за трансфер и се очекува во наредните денови двата клуба да ја „испеглаат“ разликата со вклучени бонуси.

Соса минатата сезона запиша 9 асистенции и постигна два гола, а во Аталанта веруваат дека ќе биде идеален наследник на Госенс.

Интерес за Соса покажуваа уште Барселона, Јувентус и Манчестер Сити, но не испратија конкретна понуда до Штутгарт.