Реал Мадрид и Рудигер се договорија

Антонио Рудиер ќе го напушти Челзи на крајот на сезоната, а шпанските медиуми тврдат дека кариерата ќе ја продолжи во Реал Мадрид.

28-годишниот дефанзивец влезе во последната година од договорот со Челзи, а Германецот ги одби сите понуди од лондонскиот клуб за продолжување на соработката.

Шпанските медиуми пренесуваат дека неговиот агент постигнал комплетен договор со Реал Мадрид и на лето Рудигер како слободен играч ќе се пресели на „Сантиаго Бернабеу“.

Германецот ќе потпише 3-годишен договор тежок 12 милиони евра по сезона, со што ќе стане најплатен дефанзивец во светот.