Елмас и Наполи незапирливи, седум од седум

Наполи продолжува со одличните игри и победи на гостувањето кај Фиорентина за пефектен старт на сезоната во првите седум кола.

Наполи со ова го израмни најдобриот старт во својата историја со седум победи во првите седум кола.

Фиорентина одлично го започна натпреварот и прва стигна до водство откако после еден корнер погоди Мартинес Кварта.

Неколку минути подоцна Осимен изнуди пенал, голманот на Фиорентина го одбрани ударот на Инсиње, но Лозано ја смести топката во голот за израмнување.

На стартот на вториот дел погоди Рахамани за 1:2, што на крајот се покажа како конечен резултат. Елмас влезе во игра во 58-та минута.