Клубот на Пандев има нов сопственик, Американци ја купија Џенова

Италијанскиот фудбалски клуб Џенова ќе го промени сопственикот после цели 18 години, тврди „Газета дело Спорт“.

Претседателот Енрико Прециози утрово потпишал договор со кој целиот пак на акции го отстапува на американскиот инвестициски фонд „777 Partners“.

Американскиот фонд веќе има инвестиции во фудбалот и има акции во шпанскиот клуб Севиља.

Прециози ја превзеде Џенова во 2003 година, кога го спаси клубот од банкрот и го направи стабилен прволигаш.

Се уште не се познати финансиските детали за кои е продаден еден од најстарите клубови во Италија.