Анри не е изненаден од измената на Меси

ПСЖ синоќа со 2:1 го победи Лион, а во центарот на вниманието беше Лионел Меси, кој синоќа го одигра првиот меч на „Паркот на принцовите“.

Меси беше заменет во 76-та минута, кој видно лут поради тоа одби да се поздрави со Покетино и негодуваше од клупата.

Легендата на францускиот фудбал, Тиери Анри сепак не е изненаден што Меси беше заменет синоќа при резултат 1:1.

„Не сум изненаден од измената на Меси, но да не правиме контроверза од сето ова. Сигурно ќе дојде денот кога ќе постигне гол. Потребно е време за адаптација. Можеби не сакаше да излезе надвор и тоа беше евидентно, а никој не може да тврди што точно си кажаа со Покетино. Дефинитивно сакаше да остане на теренот за да постигне гол“, изјави Анри.