Големи проблеми за Милан пред мечот со Јувентус

Вечерва на програмата е големото дерби во Серија А помеѓу Јувентус и Милан.

Милан ќе биде значително ослабен за овој натпревар бидејќи тренерот на „росонерите“ Стефано Пиоли нема да може да смета на седум фудбалери.

Ибрахимовиќ, Бакајоко и Круниќ го пропуштија и мечот со Ливерпул поради повреда, а нема да бидат во конкуренција и за овој меч.

Жиру има проблеми со грбот и не е повикан за мечот со Јувентус, а голем хендикеп ќе биде отсуството на Давиде Калабрија, кој игра одлично од почетокот на сезоната.

Листата на фудбалери кои ќе го пропуштат големото дерби ја комплетираат новото засилување Месијас и младиот Плизари.