„Милан во моментов е посилен од Јувентус“

Легендата на Јувентус, Клаудио Маркизио го коментираше престојното дерби помеѓу Јувентус и Милан.

Во недела Милан му гостува на Јувентус во големо дерби од Серија А. „Старата дама“ после три кола има само 1 бод, додека „росонерите“ ги освоија максималните 9 бода.

Маркизио очекува неизвесно дерби, но признава дека во моментов Милан е подобар од Јувентус.

„Милан во моментов е посилен од Јувентус. Малдини, Масара и Пиоли вршат одлична работа и конструираа одличен тим. Милан изминатите години имаше потешкотии, но сега се враќа на нивото од минатото“, изјави Маркизио.

„Јувентус е во момент на реконструкција, но треба да покаже дека може да се носи со тимови како Милан кои започнуваат победнички циклус. Ова дерби секогаш е неизвесно и нема фаворити“, додаде Италијанецот.