Дончиќ: Не сум јас најголема ѕвезда, Ѓоковиќ се слика убедливо најмногу

Лука Дончиќ имаше фантастично деби на Олимписките игри и може да се каже дека сам ја победи Аргентина постигнувајќи 48 поени во победата од 118:100. Покрај 48 поени, Дончиќ додаде уште 11 скокови и пет асистенции.

Дончиќ призна дека ужива во приматот на голема ѕвезда во Токио, но смета дека Новак Ѓоковиќ е човекот со кој најмногу сакаат да се сликаат.

„Многу важен ден за Словенија, важно е што победивме силен противник кој знаеме какво Светско првенство имаше. Ми се допаѓа тоа што ме гледаат како ѕвезда на овие Олимписки игри. Правам многу фотографии, но не сум јас најголемата ѕвезда, Ѓоковиќ прави убедливо најмногу фотографии“, изјави Дончиќ.