Ибрахимовиќ во центарот на скандал, му се заканува долга суспензија?

Ѕвездата на Милан, Златан Ибрахимовиќ е во центарот на фудбалски скандал поради обвинувањата дека е сопственик на акции на една обложувалница во Малта.

Нормално, тоа им е строго забрането на професионалните фудбалери, па Ибрахимовиќ ќе мора да ја докаже својата невиност.

Имено, според наводите на медиумите компанијата „Unknown AB“, каде Ибра е косопственик, има 10% од акциите на обложувалницата „Bethard“.

Доколку се докаже дека Ибра е виновен, покрај долгогодишната суспензија, би можел да плати и 100 милиони евра оштета.