Клоп: Реал ги нема Бејл и Роналдо, но се уште таму се Рамос, Модриќ и Крос

Ливерпул во четвртфиналето од Лигата на шампионите ќе игра против Реал Мадрид.

Ќе биде тоа нов натпревар на финалистите од 2018 година кога во Киев Реал славеше со 3:1 и прилика „црвените“ да се одмаздат за овој пораз.

Новиот дуел со Реал го коментираше Јирген Клоп.

„Кристиано или Бејл не се таму, но се уште Реал ги има Рамос, Модриќ и Крос. Ќе биде тежок натпревар, но мене ждребот ми е сосема во ред кога ќе ги погледнете другите тимови. Ова е четвртфинале и лесни противници нема, сите се исклучително квалитетни“, изјави Клоп.

Првиот натпревар Реал и Ливерпул ќе го играат на 6.април, а реваншот е на 14. април на „Енфилд“.