Пике за Реал Мадрид: Не знаев дека подароците се бројат за титули

Дефанзивецот на Барселона, Жерар Пике повторно преку социјалните мрежи го „пецна“ својот голем ривал, Реал Мадрид.

Се започна откако Пике објави Твит на кој напиша „34“, алудирајќи на фактот дека денес полни толку години.

Шпанскиот медиум „La Resistencia“ решија да се пошегуваат со Пике и му одговорија со фотографија од Реал Мадрид на која ја слават 34-та титула и напишаа: „Нееее, Жерард, што направи“.

Noooo Gerard, qué hiciste https://t.co/Rq5R72VGYF pic.twitter.com/s7xAJkiq5p

— La Resistencia en Movistar+ (@LaResistencia) February 1, 2021

Пике на тоа не остана должен и одговори: „Не знаев дека подароците се сметаат за титули“. Меѓутоа, дефанзивецот веднаш доби одговор алудирајќи на тоа дека Барселона им го „подари“  Луис Суарез на Атлетико Мадрид.

„Овогодишниот подарок исто така е со цена на титула“.

El regalo de este año también costará una Liga. pic.twitter.com/kPmEjFHp0A

— La Resistencia en Movistar+ (@LaResistencia) February 2, 2021