Милан не отпатува во Сардинија, можно е одложување на мечот со Каљари

Тимот на Милан денес не отпатува во Сардинија, каде утре треба да го одигра мечот со Каљари од Серија А.

Патувањето е откажано, откако двајца фудбалери на „росонерите“ беа позитивни на последниот тест на Ковид 19.

Тео Хернандес и Хакан Чалханоглу се позитивни и се веќе во изолација, но според протоколот целиот тим утре треба да прави нов тест.

Доколку и други фудбалер утре дадат позитивен тест, натпреварот може да биде одложен.

За потсетување од претходно позитивни на Ковид во тимот се Раде Круниќ и Анте Ребиќ.