Јувентус потпиша богат спонзорски договор

Јувентус договори продолжување на соработката со својот генерален спонзор, производителот на автомобили „Jeep“ и со тоа ќе ги зголеми приходите.

Имено, за нов тригодишен период на актуелниот италијански првак ќе му донесе приход од 135 милиони евра.

„Jeep“ е сопственост на компанијата „Exor“, која како и фудбалскиот клуб Јувентус е под раководство на италијанското семејство Ањели.

„Новиот договор е потврда за двостраното задоволство од досегашната соработка меѓу „Jeep“ и Јувентус што започна во сезоната 2012/13, а новиот договор му гарантира на клубот годишен приход од 45 милиони евра“, соопштија од клубот.

Сумата, сепак, може да варира во зависност од постигнатите резултати на Јувентус, односно ќе има додатни бонуси во зависност од освоените трофеи.