Лазаров најдобар десен бек во изминатата декада!

Капитенот на Македонија, Кирил Лазаров доби ново признание откако во изборот на реномираната интернет страница „Хендбол-планет“ беше изгласан за најдобар десен бек во изминатата декада.

Во оваа анкета Лазаров освои 67% од гласовите, во гласови освои 6.400 и заврши пред Ласло Наѓ (2.179 гласа) и Алекс Душебаев (997 гласа). Лазаров собра и најмногу гласови од жирито (34).

Тимур Дибиров од Вардар победи во изборот на најдобро лево крило, признание доби и поранешниот голман на Вардар Арпад Штербик.

Никола Карабатиќ победи во изборот за најдобар ракометар во декадата.

ТИМОТ НА ДЕКАДАТА:

Лево крило на декадата: Тимур Дибиров (Вардар)

Лев бек на декадата: Микел Хансен (ПСЖ)

Плејмејкер на декадата: Домагој Дувњак (Кил)

Десен бек на декадата: Кирил Лазаров (Нант)

Десно крило на декадата: Лук Абало (Елверум)

Голман на декадата: Арпад Штербик (пензиониран)

Пивот на декадата: Бјарте Мирхол (Скјерн)

Дефанзивец на декадата: Виран Морос (ПСЖ)