Ибра во свој стил по голот: Овој пат погодив, а наредниот пат…повторно ќе погодам

Милан на гости го победи Удинезе со 2:1, а херој повторно беше Златан Ибрахимовиќ.

Ибрахимовиќ во самиот финиш успеа да постигне гол за победа на „росонерите“. Искусниот 39 годишен фудбалер покажа дека е во фантастична форма бидејќи за него ова е веќе седми гол на четири натпревари во Серија А.

После натпреварот Ибра имаше свое шоу и пред камерите.

„Тоа беше единствениот начин да ја испратам топката во голот. Некогаш влегува во голот, а некогаш не. Овој пат погодив, а наредниот пат…повторно ќе погодам, немојте да се грижите“, низ смеа изјави Ибрахимовиќ.