Артета го надмудри Солскјер, Арсенал го освои „Олд Трафорд“?

Арсенал после подолго време успеа да го победи најголемиот ривал Манчестер Јунајтед на „Олд Трафорд“ (0:1).

Јунајтед продолжи со лошата игра на домашен терен и се уште чека победа на „Олд Трафорд“ оваа сезона.

Во првото полувреме не видовме големи возбудувања бидејќи двата тима генерално мислеа на одбраната и само спорадично се закануваа.

Ваквата игра продолжи и во второто полувреме, а клучниот момент се случи во 69-та минута кога Погба го фаулира Белерин во казнетиот простор. Судијата покажа на белата точка а сигурен реализатор беше Обамејанг.

Јунајтед до крајот на мечот се обиде да избегне пораз, создаде неколку шанси, но не успеа да го совлада Лено.