Интер е во интензивни преговори со напаѓачот на ПСЖ, Едисон Кавани, тврди секогаш добро упатениот извор Ди Марзио.
Кавани на крајот од сезоната ќе стане слободен играч и веќе некое време за него се борат клубови како Атлетико Мадрид, Њукасл, Манчестер Јунајтед, а сега наводно најблиску до неговиот потпис е Интер.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Бидејќи Мертенс одлучи да ја продолжи соработката со Наполи, Интер се сврте кон други опции, па како идеално решение се наметна уште еден искусен напаѓач.
Кавани играше во Палермо и Наполи, а од 2013. година е во Париз. Оваа сезона Ел Матадор постигна седум погодоци на 22 натпревари.
Заминувањето на Кавани од Париз е се поизвесно, сега само прашање е дали ќе се пресели во Интер или на крајот ќе избере некој друг клуб.