Директорот на Јувентус: Размена Артур – Пјаниќ? Разговараме со Барселона

Миралем Пјаниќ во изминатите неколку денови констатно се поврзува со екипата на Барселона.

Шпанските и италијанските медиуми пренесоа информација дека „старата дама“ го нуди Пјаниќ во замена за Артур од Барселона.

Дека преговори навистина постоеле денес за „Скај Спорт“ потврди директорот на Јувентус, Фабио Партичи.

„Размена Артур – Пјаниќ? Разговаравме со Барселона, но и со неколку други големи клубови. Ова лето кога се трансферите во прашање ќе биде поинакво. Постојат идеи, ќе има размени и новости во трансферите“.

Погба?

„Погба е фантастичен играч. Сепак, одредени работи ќе се променат после кризата и сега само одреден број клубови можат на Пол да му гарантираат висока плата“.

Исто така, Партичи потврди дека Џорџо Киелини и Џанлуиџи Буфон ќе останат членови на Јувентус и наредната сезона, како и дека со Дибала се преговара за повеќегодишен договор.