ПСЖ сака да го направи најплатен, Реал нуди сума за светски рекорд – што ќе реши Мбапе?

Не престануваат гласините дека Килијан Мбапе би можел да го напушти ПСЖ на крајот од сезоната.

Парижаните се пред освојување на титулата шампион, а не е тајна дека младиот напаѓач е голема желба на Реал Мадрид.

Наводно тој трансфер би требало да изнесува дури 250 милиони евра со што би бил срушен рекродот кој ПСЖ го плати за услугите на Нејмар кога го купи од Барселона за дури 222 милиони евра.

Повеќе работи ќе се знаат во наредниот период, меѓутоа јасно е дека главниот збор ќе го има ПСЖ.

Неодамна се шпекулираше дека ПСЖ сака да го задржи Мбапе и ќе му понуди да го направи најплатен играч на тимот. Наводно ПСЖ може на Мбапе да му понуди 750.000 фунти неделно, односно 41 милиони фунти годишно за договор до 2024 година.