Икарди му ја соопшти одлуката на Интер

Мауро Икарди оваа сезона игра како позајмен фудбалер на Пари Сент Жермен, клубот сака да го откупи, но Аргентинецот нема намера да остане во Париз.

Икарди веќе му ја соопштил својата одлука на раководството на Интер, а јасно е дека нема иднина за него на „Џузепе Меаца“, иако има договор на уште две години.

Икарди сака кариерата да ја продолжи во Јувентус и не се откажува од таа идеја, а неговата сопруга и менаџер Ванда Нара е во постојан контакт со „бјанконерите“.

Директорот на Интер, Бепе Марота предлага трампа со Пауло Дибала, што во овој момент е „невозможна мисија“, па „нероаѕурите“ се ставени пред свршен чин.

Поради тоа Интер ќе мора да се согласи да го продаде напаѓачот на најголемиот ривал, а Јувентус е спремен да понуди помеѓу 60 и 65 милиони евра.

Аргентинскиот напаѓач на 31 натпревар оваа сезона постигна 20 погодоци и запиша 4 асистенции.