Славната фудбалска ѕвезда Кристиано Роналдо, кој моментално го носи дресот на Јувентус, синоќа против Интер го одигра 1.000-от натпревар во својата кариера.
Португалецот зад себе има импресивни бројки. Тој постигна 725 голови и 253 асистенции, настапувајќи за Спортинг, Манчестер јунајтед, Реал Мадрид, Јувентус и португалската репрезентација.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Роналдо има пет златни топки. Во 2016 година го освои Европското првенство со репрезентацијата на Португалија. Има пет титули од Лигата на шампионите и е најдобриот стрелец во историјата на елитното натпреварување.
„Горд сум што стигнав до 1.000 натпревари во мојата кариера и тоа со многу важна победа со која се вративме на врвот на табелата. Им благодарам на сите мои соиграчи, тренери, моето семејство и моите навивачи, кои ми помогнаа да дојдат до ова неверојатно постигнување“ , напиша Роналдо на социјалните мрежи.
Учество во игри на среќа е дозволено за лица со 18+ години. Играј одговорно!