Елмас е шести Македонец кој постигнал гол во Серија А!

Вчера македонскиот фудбалер Елиф Елмас го постигна првенецот во Серија А во победата на неговиот Наполи од 2:4.

Елмас претходно на два пати немаше среќа. Прво еден не му беше признат поради видео-технологијата, недостасуваше буквално милиметар, а потоа во еден дуел голот беше запишан како автогол.

Македонскиот репрезентативец во Наполи пристигна минатото лето за 16 милиони евра. Кај Анчелоти играше нешто повеќе, но откако Гатузо дојде на клупата Елмас во Серија А не добиваше многу простор за игра. Сепак, вчера Рино се одлучи да го пушти Елмас од првата минута, а тој му врати на најдобар начин.

Elif Elmas scores his first Napoli goal!

Elmas ends the wait for his first Napoli goal with a lovely finish at the back post from a corner. Just look at his celebration, you can see just how much it means to him.pic.twitter.com/NfqbtuXRwl

— Football Macedonia (@MacedonianFoot) February 3, 2020

Со голот против Сампдорија Елмас стана шестиот Македонец кој постигнал гол во Серија А. Пред Елмас во најсилната лига во Италија во листата на стрелци се запишаа: Дарко Панчев, Горан Пандев, Агим Ибраими, Александар Трајовски и Илија Несторовски.