Конте: Тоа што го направив јас, Гвардиола и Клоп не успеаа

Тренерот на Интер, Антонио Конте потсети на своите успеси во англиската Премиер лига и направи споредба со Јирген Клоп и Пеп Гвардиола.

Конте како тренер на Челзи уште во првата сезона успеа да ја освои Премиер лигата, иако не беше фаворит, нешто што не им успеа на Гвардиола и Клоп.

„Во Челзи ја освоив Премиер лигата во сезоната 2016/2017 првата моја година во Англија и ФА Купот следната година. Клоп не освои ништо за четири години во Англија, а Гвардиола исто така не освои ништо во првата година, изјави Конте.

За потсетување, 50-годишниот Италијанец беше тренер на Челзи од 2016 до 2018 година, а потоа доби отказ.