Џорџо Киелини става крај на кариерата

Дефанзивецот на Јувентус, Џорџо Киелини (36) ќе ја заврши кариерата на крајот од сезоната.

Според најголем дел од италијанските медиуми, 36 годишниот дефанзивец одлучил да се повлече на крајот од оваа сезона и наскоро и официјално ќе соопшти дека заминува во фудбалска пензија.

Киелини по крајот на кариерата ќе добие место во раководството на Јувентус и така ќе продолжи да биде дел од клубот во кој дојде во 2005 година.

Кариерата Киелини ја започна во Ливорно. Беше член на Рома и Фиорентина, а во Јувентус дојде во 2005 година. Во тој долг период израсна во вистинска легенда на клубот. Вкупно одигра 525 натпревари и постигна 36 голови.