Ќе се враќа публиката на стадионите во Серија А!

Aко утрово од Англија добивме лоши вести дека поради осум позитивни случаи во Премиер лигата повторно ќе бидат укинати гледачите на трибините, добри вести добиваме од Италија.

Во Англија беа дозволени најмногу 2000 гледачи на трибините, но после позитивните случаи сега стадионите повторно ќе бидат празни. Од друга страна првиот човек на Италијанскиот фудбалски сојуз, Габриеле Гарвина изјави дека од 1. Јануари се планира во Серија А да биде дозволена публика.

Секако нема тоа веднаш да биде со полн капацитет.

„Планот е од 1. јануари полека да воведуваме публика на стадионот на мечевите од Серија А. Нормално, нема веднаш да биде пуштен полн капацитет, но убаво е што навивачите постепено ќе се враќаат“, порача Гарвина.