Њукасл со „луда“ понуда за Имобиле

Чиро Имоболе неколку сезони блеска во дресот на Лацио, а оваа сезона е еден од најдобрите стрелци во Европа.

Според „Газета дело Спорт“ Имобиле е голема желба на Њукасл, кој ќе има огромен буџет за трансфери ова лето откако доби нови сопственици.

Весникот тврди дека англискиот клуб нема да жали пари за Италијанецот и е спремен да понуди повеќе од 100 милиони евра. Лацио тешко дека ќе може да ги одбие затоа што пред четири години потрошија „само“ девет милиони евра за да го донесат.

Имобиле има договор со римскиот клуб до летото 2023 година, но се чини дека се повеќе се зборува за неговото заминување. Њукасл му нуди и двојно поголема плата, односно 8 милиони евра по сезона.