Официјално: Имобиле го засили Бешикташ

Oд редовите на Бешикташ и официјално го потврдија трансферот на Чиро Имобиле.

Искусниот италијански напаѓач по осум години го напушти Лацио и кариерата ќе ја продолжи во Турција.

Во Лацио Имобиле стана вистинска легенда одигрувајќи 340 натпревари во кои постигна 207 голови.

Покрај Лацио 34-годишниот голгетер во кариерата беше дел уште од: Соренто, Јувентус, Џенова, Торино, Борусија Дортмунд и Севилја, а настапуваше и како позајмен играч за Сиена, Гросето и Пескара.

Поради конфликт со навивачите Имобиле беше блиску до заминување од Лацио и во зимскиот преоден рок кога се обидуваа да го доведат клубови од Саудиска Арабија.

👑👑👑👑 pic.twitter.com/XP8YVyu7lb

— Beşiktaş JK (@Besiktas) July 12, 2024