Њукасл беше на чекор од реми, но Сон го спаси Тотенхем во финишот (ВИДЕО)

Со натпреварот помеѓу Тотенхем и Њукасл беше отворено 25-тото коло во Премиер лигата.

После голема борба Тотенхем успеа да слави минимално со 1:0.

Тотенхем имаше повеќе шанси, но мрежата на Њукасл беше „чиста“ се до финишот од натпреварот, додека гостите неколку пати беа блиску до погодок.

Првата сериозна шанса на натпреварот ја имаше Моура во 17-тата минута, за Ерик Ламела во 25-тата минута да ја затресе пречката.

Во првото полувреме беа видени неколку прилики, но на одмор се замина со резултат 0:0.

Како шт0 изминуваше второто полувреме, Тотенхем го зголемуваше притисокот. Ериксен се обиде во 81-тата минута, но спаси дефанзивецот Ричи. Сепак, две минути подоцна Тотенхем стигна до погодок.

Сон беше спасителот кој погоди во самиот финиш. Љоренте беше на работ на казнетиот простор ја спушти топката за Сон, кој погоди за победа на „петлите“.

Тотенхем со оваа победа барем накратко го престигна Сити на второто место на табелата каде што има 57 бодови.

Tottenham 1_0 NEWCASTLE UNİTED
83' MİN SON pic.twitter.com/2zmdgecQY0

— ?⚽️? TRABZONSPOR VİDEO GOL?⚽️? (@skor_aninda) February 2, 2019