Јувентус тргнува по Хендерсон

Англискиот фудбалер Џордан Хендерсон минатото лето потпиша договор со Ал-Етифак, но експресно може да ја напушти Саудиска Арабија.

Поранешниот капитен на Ливерпул не е среќен во Саудиска Арабија и сака да се врати во Европа.

Такавта ситуација сака да ја искористи Јувентус, кој е во потрага по квалитетен играч за врска во зимскиот преоден рок.

33-годишниот фудбалер е голема желба на „старата дама“ и веќе работи на трансферот. Јувентус сака да го донесе на позајмица од 18 месеци, односно до крајот на следната сезона.