Јувентус спрема јануарска „бомба“

„Кориере дело Спорт“ пренесува дека Јувентус почнал да работи на трансферот на Сергеј Милинковиќ-Савиќ и сака да го донесе во јануари.

Јувентус лошо ја отвори сезоната, веќе заостанува 10 бода од врвот и сака значително да го засили тимот во зимскиот преоден рок.

Примарна цел е Милинковиќ-Савиќ од Лацио и Јувентус нема да жали пари за да го донесе во Торино.

СМС блеска и оваа сезона, а на лето ќе влезе во последната година од договорот, па Лацио е под притисок, но сигирно нема лесно да го продаде на средина од сезоната.

Јувентус е спремен да понуди 70 милиони евра и се верува дека самиот фудбалер ќе инсистира Лацио да ја прифати понудата.