Јувентус сака четири засилувања, едно од Интер

Јувентус има уште една разочарувачка сезона и заврши на 4-то место во Серија А, па на лето сигурно ќе има реконструкција на тимот.

Алегри сака да го засили тимот за следната сезона да се бори за Скудетото и му посочил на раководството дека сака четири засилувања.

Првото заислување треба да биде Ди Марија, кој ќе формира напаѓачко трио заедно со Киеза и Влаховиќ.

На средината на теренот најголема желба е Милинковиќ-Савиќ, а би требало да пристигне и Леандро Паредес од ПСЖ.

Што се однесува до одбраната најголема желба е Милан Скриниар од Интер. Тој трансфер ќе биде тешка мисија за „старата дама“, а како алтернатива се споменува Габриел од Арсенал.