Јувентус го краде столбот на одбраната на лондонскиот состав

Цело лето актуелна тема е преминувањето на Алекс Сандро од Јувентус во Челси, а сега би можело да дојде до трансфер во спротивен правец.

Како што денес пренесоа англиските медиуми, Јувентус ќе се обиде да го донесе капитеот на Челси, Кејхил.

Јувентус остана без командантот на одбраната со заминувањето на Леонардо Бонучи во Милан и јасно е поради што Макс Алегри сака уште еден стопер.

Тука се и натаму Џорџо Кјелини, Барзали, Бенати и Ругани, но навивачите очекуваат уште едно звучно име во последната линија која веќе со години е заштитен знак на „Старата дама“.

Конте го донесе Ридигер и го врати Кристиансен од позајмица, но исто така остана и без Тери, така што нема многу играчи на располагање.

Останува да видиме дали евентуалното пристигнување на Ван Дајк ке отвори простор за заминување на Кејхил во редовите на Јувентус.