Јувентус го казни Бонучи за расправијата со Алегри!

Непријатни сцени беа видени на мечот помеѓу Јувентус и Палермо кога дефанзивецот Леонардо Бонучи влезе во вербална расправија со тренерот Макс Алегри.

Овој инцидент стана топ тема во италијанските медиуми, па иако двајцата тврдеа дека нема проблеми помеѓу нив и дека ситуацијата е решена, сепак клубот одлучи да преземе конкретни мерки.

Според „Тутоспорт“, весник кој е близок до „старата дама“ Бонучи добил соодветна казна за своето непримерно однесување.

Се верува дека раководството со овој потег сака да испрати сигнал до другите играчи и да спречи и во иднина да се појавуваат вакви немили сцени.