Јокиќ не запира во Денвер и запиша нов трипл-дабл, одличен и Дончиќ 🎥

Откако заврши паузата по Ол-Стар викендот кошаркарите во НБА се вратија со редовните обврски во сезоната.

Бостон во еден од најинтересните натпревари ја совлада Индијана со 142:138. Предводник на Селтикси со 31 поен беше Џејтон Тејтум, четири од нив постигна во последната минута од продолжението, освен тоа додаде уште 12 скока, седум асистенции и две украдени топки.

Џејлејн Браун го заврши мечот со дабл-дабл од 30 поени и 11 скока. Бостон во овој момент е најдобар тим во лигата со 43 победи и 17 порази.

Никола Јокиќ по скромните четири поени на Ол-Стар натпреварот продолжи да блеска во дресот на Денвер и запиша нов трипл-дабл од 24 поени, 18 скока и 14 асистенции во победата против Кливленд од 114:109. За Јокиќ ова беше 22-трипл-дабл во сезоната. Треба да се истакне дека е дури 13-ти во последните 16 средби.

Одличен беше и Лука Дончиќ во триуфмот на Далас над Сан Антонио со 142:116. Дончиќ запиша 28 поени, 10 асистенции и седум скока. За издвојување е и настапот на Кајри Ирвинг со 23 поени и шест асистенции.

Лејкерс беа подобри од Голден Стејт со 124:111 и ова беше четврти пораз за шампионот во последните пет натпревари. Во овој натпревар осум играчи на Лејкерс стигнаа до двоцифрен број на поени, а Малик Басли беше најефикасниот со 25.

НБА РЕЗУЛТАТИ:

Кливленд – Денвер 109-115

Индијана – Бостон 138-142 (прод.)

Орландо – Детроит 108-106

Филаделфија – Мемфис 110-105

Торонто – Њу Орлеанс 115-110

Далас – Сан Антонио 142-116

Јута – Оклахома 120-119 (прод.)

ЛА Лејкерс – Голден Стејт 124-111

Сакраменто – Портланд 133-116