Два дена откако постигна 50 поени, Џамал Мареј одигра натпревар со нови 42 и го одведе Денвер до победа против Јута 117:107 со која го намалија заостанувањето во серијата на 3:2 и барем засега се спасија од испаѓање. Во вториот натпревар Клиперси го победија Далас за исто така предност од 3:2.
Мареј од игра погодуваше 17/26, четири од осум за три поени и сите четири слободни фрлања, а имаше и по осум скокови и асистенции. Стана првиот играч во НБА кој на два натпревари во низа во плеј-офот успеал да постигне барем 40 поени без ниту една изгубена топка.
Диск голф го освојува светот, а го нема во Македонија!? ↓↓↓
Никола Јокиќ исто така одигра добар натпревар со 31 поен, а посебно беше одличен во првата четвртина во која постигна 21 поен со шест тројки, без промашување од игра (8/8). Последната тројка ја погоди од повеќе од осум метри со звукот на сирената.
Клиперси го декласираа Далас со 154:111 и така дојдоа на победа од пласман во плејофот. Уште во првата четвртина Клиперси ја најавија победата бидејќи водеа со 41:22. Далас ниту еднаш не успеа да го превземе водството, па заслужено беа поразени.
Пол Џорџ беше најефикасен со 35 поени, три скока и две асистенции, Ленард постигна три поени помалку и додаде седум скока и четири асистенции. Лука Дончиќ кај Далас натпреварот го заврши со 22 поени, осум скока и четири асистенции.