Јануарска „бомба“: Зијех се сели на Островот

Медиумите во Холандија пренесуваат дека ѕвездата на Ајакс, Хаким Зијех во јануари ќе се пресели на Островот.

26-годишниот Мароканец игра фантастично во дресот на Ајакс и го привлече вниманието на многу европски гиганти, а следна дестинација најверојатно ќе биде Премиер лигата.

Имено, холандските медиуми тврдат дека Манчестер Јунајтед испратил понуда од 50 милиони евра, која Ајакс е спремен да ја прифати, па трансферот би требало да се реализира во првите денови од новата година.

Солскјер е во потрага по креативен играч за врска, а Зијех оваа сезона покрај 8-те гола запиша неверојатни 21 асистенција.

Нема сомнеж дека Мароканецот ќе биде големо засилување за „црвените ѓаволи“ во борбата за пласман во Топ 4 во Премиерлигата.