Ѕвездата на Јувентус пред трансфер во Њукасл

Иднината на Адриен Рабио во Јувентус е неизвесна бидејќи неговиот договор со „старата дама“ истекува на крајот на сезоната.

Французинот има договор со Јувентус до крајот на сезоната, па многу е веројатно дека ќе замине како слободен агент.

Најсилен интерес за него покажува Њукасл, кој ова лето сака да донесе неколку големи засилувања бидејќи се поизвесно е дека ќе настапува во Лигата на шампиони.

Раководството на Њукасл веќе почнало преговори со неговиот агент и според последните информации двете страни се блиску до договор.