Ѕвездата на Челзи ја шокираше јавноста: Ги остави сопругата и двете деца, сака да живее сам

Играчот од средниот ред на Челзи, Енцо Фернандез (23) беше еден од најдобрите играчи на Светското првенство во 2022 година во Катар и се искачи на врвот на светот со Аргентина.

Тоа го доведе до Челзи, кој за него издвои 120 милиони евра, но од тој момент кариерата и приватниот живот почнаа да опаѓаат.

Фернандез веќе подолго време не игра на нивото што се очекува од него и навивачите на Челзи полека го губат трпението.

Иако сезоната ја започна како капитен на Челзи, тренерот Енцо Мареска го пресели на клупата претходниот месец.

Причината за нешто послабата игра на поранешниот член на Ривер Плата може да се бара и во проблемите надвор од теренот, откако Фернандез реши да се раздели од сопругата Валентина Сервантес.

Нивната љубовна приказна започнала во детството и освен брак, двојката има и две деца, четиригодишна ќерка и син кој неодамна го прослави својот прв роденден.

Токму сопругата на Фернандез ја сподели веста за нивното раскинување на социјалните мрежи и го изненади целиот свет со својата реакција.

„Енцо и јас знаеме дека сега е готово. Но, ние секогаш ќе бидеме семејство и ќе се поддржуваме во сè. Во средината се две деца на кои им треба многу од нашата љубов. Знам каков човек е Енцо и колку е голем и какво срце има. И тоа ми е доволно. Не сакам да прават војни таму каде што ги нема“, изјави Сервантес.

Пораката на Валентина сугерираше пријателски прекин на нивната долгогодишна врска, иако информациите од аргентинската новинарка Хулиета Аргента даваат поинаква слика.

„Тој и кажа дека сака да живее сам. Тие се уште се семејство, но тој чувствува потреба да ја доживее фазата на самостоен живот што ја прескокна бидејќи рано избра да основа семејство“, изјави Аргентa.

Enzo Fernández has asked his wife Valentina Cervantes for divorce, according to @juliargen.

He said he needs to experience the stage he skipped by choosing family early on.

I mean that explains a lot about him this season. Very unfortunate. Nobody knows the full story and only… pic.twitter.com/Q13odgN5an

— Vince™ (@Blue_Footy) October 31, 2024

Енцо Фернандез одигра 13 натпревари за Челзи оваа сезона и досега нема постигнато ниту еден гол, а забележа една асистенција во квалификациите за конференциската лига.