Ѕвездата на Тотенхем: Пеле е најдобар во историјата, а сакам да сум брз како Болт

Играчот од средината на Тотенхем, Деле Али откри која е неговата желба и даде мислење за „вечното“ прашање.

Имено, одличниот фудбалер на „петлите“ смета дека Бразилецот Пеле е подобар од Аргентинецот, Диего Армандо Марадона, двајцата фудбалери кои се сметаат за најдобри во историјата.

„Пеле или Марадона? Дефинитивно Пеле“, кратко одоговори Али.

Тој важи за еден од подобрите фудбалери на Тотенхем, но и еден од најдобрите во светот на својата позиција.

„Би сакал да сум многу брз. Не сум спор играч, но би сакал да бидам брз како Усеин Болт“, изјави англискиот репрезентативец.

Дели оваа сезона за Тотенхем постигна три погодоци и запиша една асистенција.