Ѓоковиќ со неверојатен пресврт стигна до осминафинале на УС Опен

Новак Ѓоковиќ се врати од два сета негатива против својот сонародник, Ласло Ѓере и триумфираше со 3-2 за пласман во осминафиналето на УС Опен.

Ѓоковиќ потешко од очекувањата го помина Ѓере. Новак доби голем отпор од својот сонародник.

Ѓере ги доби првите два сета со 6-4 и 6-4, тогаш се крена Ѓоковиќ, заигра многу подобро, наредните три сета ги доби убедливо со 6-1, 6-1 и 6-3 и дојде до победата.

Во осминафиналето Ѓоковиќ ќе игра против Хрватот Борна Гојо кој со 3-0 го совлада Весели.