Шок во Франција: Капитенот на Монако обвинет за силување

Капитенот на фудбалскиот клуб Монако Висам Бен Једер е обвинет за сексуален напад кој се случил на почетокот на неделава на Азурниот брег.

Јавниот обвинител на Ница рече дека „има две пријави за силување и две жртви“.

„Не го знаеме идентитетот на другиот осомничен“, рече судијата, а Франс инфо објави дека тоа би можело да биде помладиот брат на Бен Једер.

„Франс инфо“ објави и дека две девојки на возраст од 20 и 19 години ги пријавиле Бен Једер и неговиот брат дека им „наметнале сексуални дејствија“ по вечерта што ја поминале заедно.

Бен Једер одигра 19 натпревари за француската репрезентација и постигна три гола.

Во април, судот во Севиља го осуди на шестмесечна условна затворска казна и парична казна од 133.798 евра за даночно затајување.