Шок во соседството: Почина тренер на српски прволигаш

Вистински шок доживеа утрово фудбалската јавност во Србија, почина тренерот на ТСЦ Бачка Тополa Золтан Сабо.

Српскиот прволигаш кој имаше значителен подем во последниот период веста ја потврди преку клупско соопштение. Се наведува дека целиот клуб е во шок од загубата на еден голем човек и професионалец.

ТСЦ Бачка Топола во последниот период имаше рапиден прогрес и од нисколигаш стигна до првата лига, а изминатото лето дури играше и во квалификациите за Лигата на Европа. Големи заслуги за тоа имаше токму Золтан Сабо.