Шокантен трансфер: Педро се сели од Рома во Лацио

Шпанскиот крилен напаѓач Педро ќе го направи најизненадувачкиот трансфер ова лето и од Рома ќе се пресели во градскиот ривал Лацио.

Мурињо го отпиша Педро и му порача да си бара нов клуб, а најсилен интерес за него покажа токму Лацио. Тренерот Сари одлично го познава од времето кога работеа во Челзи и повторно го сака во својот тим.

Интересно е што Рома го ослободи Педро, па Шпанецот без обештетување ќе се пресели во градскиот ривал, каде ќе потпише 2-годишен договор.

Тоа ќе биде историски трансфер, бидејќи прв пат после 40 години фудбалер директно преминува од едниот римски клуб во другиот.

#Lazio: visite in corso per #Pedro, poi l'ufficialità, può essere a disposizione già a Empoli https://t.co/TcqmUXa9Nq pic.twitter.com/KfyCf35t9V

— calciomercato.com (@cmdotcom) August 19, 2021